21 лютага ў Мінскім радыётэхнічным каледжы святочна і традыцыйна адзначылі Міжнародны Дзень роднай мовы.

Дырэктар каледжа Вікторыя Шаталава шчыра павіншавала са святам усіх выкладчыкаў і навучэнцаў і нагадала, што ў Беларусі мерапрыемствы з гэтай нагоды ладзяцца з 2009 года.

З задавальненнем выкладчыкі і навучэнцы прынялі ўдзел у пазнавальна-забаўляльным конкурсе «Слова за цукерку». Цікавай і змястоўнай была і фотазона, у якой былі размешчаны выказванні дзеячаў культуры пра беларускую мову як векавую памяць многіх пакаленняў і наш галоўны нацыянальны скарб.

У інтэрактыўнай віктарыне «Сакрэты беларускай граматыкі» ў рамках вучэбнай дысцыпліны «Беларуская мова» навучэнцы першага курса паказалі грунтоўныя веды ў каманднай гульні паміж аддзяленнямі камп’ютарных тэхналогій - каманда «Папараць-кветка» групы 1К9392 і электронікі - каманда «Зорачкі» групы 1К9491.