У МРК работа з электронным зваротам вядзецца ў адпаведнасці з Законам Рэспублікі Беларусь “Аб зваротах грамадзян і юрыдычных асоб” ад 18.07.2011 №300-3

Электронны зварот можа быць аформлены на беларускай або рускай мовах і ў абавязковым парадку павінен утрымліваць:

• прозвішча, уласнае імя, імя па бацьку (калі такое маецца) грамадзяніна;
• адрас месцажыхарства (месца прабывання) грамадзяніна;
• выклад сутнасці звароту;
• адрас электроннай пошты грамадзяніна.

Электронны зварот юрыдычнай асобы ў абавязковым парадку павінен утрымліваць:

• поўная назва юрыдычнай асобы;
• месца знаходжання юрыдычнай асобы;
• выклад сутнасці звароту;
• прозвішча, уласнае імя, імя па бацьку (калі такое маецца) упаўнаважанага падпісваць зварот;
• адрас электроннай пошты юрыдычнай асобы.

Адказы на электронныя звароты, якія не патрабуюць дадатковай праверкі і вывучэння, у 15-дзённы тэрмін накіроўваюцца заяўнікам на адрас электроннай пошты, якая ўказана ў  электронным звароце. Пісьмовыя адказы на электронныя звароты даюцца ў выпадках, устаноўленых Законам Рэспублікі Беларусь “Аб зваротах грамадзян і юрыдычных асоб” ад 18.07.2011 №300-3.

Электронныя звароты могуць быць пакінуты без разгляду па сутнасці, калі яны:

• выкладзены не на беларускай або рускай мовах;
• не ўтрымліваюць прозвішча, уласнае імя, імя па бацьку, адраса, месцажыхарства (месца прабывання) грамадзяніна;
• не ўтрымліваюць поўнай назвы юрыдычнай асобы і адраса яго месца знаходжання, прозвішча, уласнага імя, імя па бацьку кіраўніка ці асобы, упаўнаважанай ва ўстаноўленым парадку падпісваць зварот (для юрыдычных асоб);
• утрымліваюць тэкст, які немагчыма прачытаць;
• утрымліваюць нецэнзурныя або зневажальныя словы ці выразы;
• прапушчаны тэрмін падачы скаргі без уважлівай прычыны;
• пададзены паўторны зварот, калі ён ужо быў разгледзены па сутнасці і ў ім не ўтрымліваюцца новыя акалічнасці, якія маюць значэнне для разгляду звароту па сутнасці;
• з заяўнікам спынена перапіска.

Адказ на зварот або рашэнне аб адмове разглядаць зварот па сутнасці могуць быць абскарджаны ў парадку, устаноўленым Законам Рэспублікі Беларусь “Аб зваротах грамадзян і юрыдычных асоб” ад 18.07.2011 №300-3.