Навучанне ажыццяўляецца на дзённай форме атрымання адукацыі.

Узровень сярэдняй спецыяльнай адукацыі: на аснове агульнай базавай (АБА) і агульнай сярэдняй адукацыі (АСА) па спецыяльнасці:

1. 2 40 01 01 «Праграмнае забеспячэнне інфармацыйных тэхналогій»: спецыялізацыя: «Праграмнае забеспячэнне апрацоўкі матэматычнай інфармацыі» , кваліфікацыя – «тэхнік-праграміст»: АБА - 3 гады 10 месяцаў (для набору 2018 - 3 гады 7 месяцаў), АСА – 2 гады 10 месяцаў (для набору 2018 года - 2 гады 7 месяцаў).

Спецыялісты рыхтуюцца для апрацоўкі матэматычнай інфармацыі. У працэсе навучання на ўзроўні CСА, вырашаюцца наступныя задачы: атрыманне ведаў па асновах алгарытмізацыі і праграмавання, сістэмным праграмаванні, камп'ютарных сетках, праграмных сродках стварэння інтэрнэт-прыкладанняў, эканоміцы вытворчасці; практычнае прымяненне гэтых ведаў для апрацоўкі матэматычнай інфармацыі. Для таго, каб набыць практычны вопыт, уменні і навыкі, на аддзяленні праводзяцца вучэбныя і вытворчыя практыкі:

• па распрацоўцы і суправаджэнні праграмнага забеспячэння (ПЗ);
• па праграмаванні;
• для атрыманння рабочай прафесіі  з прысваеннем кваліфікацыі «аператар ЭВМ» і вытворчых практык;
• тэхналагічная;
• пераддыпломная.

Вынікам навучання з'яўляецца дыпломнае праектаванне, падчас якога навучэнцы выконваюць дыпломныя праекты інфармацыйна-праграмнага напрамку. Для рознабаковага і гарманічнага развіцця навучэнцаў рэгулярна праводзяцца алімпіяды па праграмаванні, навукова-практычныя канферэнцыі, на якіх выяўляюцца прафесійныя здольнасці маладых людзей. Мяркуецца, што пасля заканчэння МРК спецыяліст павінен валодаць асновамі інфарматыкі, праграмнага забеспячэння інфармацыйных тэхналогій, ведаць і ўмець выкарыстоўваць на практыцы:

1. асяродкі і мовы праграмавання, такія як Pascal, Delphi, C ++, Visual C ++, Visual Basic;
2. сродкі сістэм кіравання базамі даных ACCESS, InterBase, MySQL, Oracle;
3. аперацыйныя сістэмы MS DOS, Windows, Unix;
4. сродкі камп’ютаранай графікі і анімацыі, такія як Adobe Photoshop, Corel Draw, HTML.

Паколькі метады і сродкі інфармацыйных тэхналогій пастаянна ўдасканальваюцца, могуць з’яўляцца новыя перспектыўныя сродкі, якія і будуць аб’ектамі вывучэння і выкарыстання.

Для дасягнення вышэйзгаданых задач ёсць усе магчымасці:

1. Матэрыяльна-тэхнічнае забеспячэнне. Для лабараторных і практычных заняткаў выкарыстоўваюцца 7 камп'ютарных класаў, кожны з іх укамплектаваны 12 ПК з працэсарам тыпу «Intel», аб’яднаных ў мясцовыя лакальныя сеткі з выхадам у глабальную сетку Internet. Гэта дазваляе атрымаць доступ да вельмі велікай колькасці інфармацыі, а значыць, больш поўна і эфектыўна забяспечыць працэс навучання.

2. Праграмна-інфармацыйнае забеспячэнне. Вышэйзгаданыя сродкі праграмна-інфармацыйнага забеспячэння ёсць ў камп’ютарных класах, што дазваляе ажыццяўляць вучэбны працэс ў поўнай меры з улікам сучасных патрэбнасцей грамадства.

3) Арганізацыйна-метадычнае забеспячэнне. Для рэалізацыі вучэбнага працэсу выкарыстоўваюцца метадычныя дапаможнікі, інструкцыі, рэкамендацыі, а таксама падручнікі, даведнікі, вучэбныя дапаможнікі і іншая літаратура, якая ёсць у бібліятэцы МРК. Распрацаваны і распрацоўваюцца электронныя навучальна-тэставыя комплексы, прызначаныя для больш якаснай падрыхтоўкі навучэнцаў і для выкарыстання ў якасці дадатку і пашырэння магчымасцяў выкладчыка (віртуальны выкладчык).

4) Кадравае забеспячэнне. Навучальны працэс забяспечваюць выкладчыкі, якія маюць вышэйшую адукацыю і педагагічны стаж у галіне інфарматыкі і праграмнага забеспячэння інфармацыйных тэхналогій.